اكتب بيت الشعر اللي اعجبك

العفو في كل حالاته هو الأجمل
والناس بتموت وبتبقى سوالفها

لاجاتك السالفه على كذا محمل
خذها على النيّه الزينه وطوّفها

العيب للي يلبس الطيب مقلوب
مصيبة ياكبرها من مصيبة

مايستوي للي على الطيب مغصوب
الطيب عمرة مايجي بالغصيبة

يقول بن فطيس :

العيد مايحتاج له كثرة هدوم
يحتاج له وصل وسلام وموده

عايد (بني عمك) وخصص لهم يوم
وباب الزعل والكره والبغض سده

وزور الذي ما يقدر يصوم ويقوم
(الشايب) اللي هدّه الكبر هدّه

وزور (المريض) اللي جفت عينه النوم
اللي قضى دهره طريح المخده

إن لم تكن مع حجيج البيت في عرفه
فاصْدَع بذكرٍ وكن لله صوّاما

وارفع يداكا لرب الخلق في وجلٍ
واطلبهُ فضلاً وإحساناً وإنْعاما

العيد فرحه وفيه الناس تتسامح
كلن يسامح خوّيه من بعد زلّه

تعال بأول نهار العيد نتصافح
ياالله ننسى الزعل واللي حصل كلّه

اتـرك صداقـة من يغـيـظه علـــوّك
،واشـتر صـداقة من يعــزك ويغليك

تـرى الـردي غايـة طمــوحه دنـوّك
،حـذراك مـن راع الردى لا يخـاويك

يمشي العمر واعمارنا قوت الأيام
ويجلي نهاري ظلمت الليل لحل

واقع يسيرنا على طيش الأحلام
مبهم يبيله من دجا فكرنا حل”

تدري وش إللي طيحك من عيوني
وتدري وش إللي مرخصك وأنت غالي

إنك بديت تشوف نفسك ( بدوني )
ومنك بديت (أشوف) نفسي لحالي

عن ملحها ياما البحر حدث الملح
وياما " الحرير " اشـتاق لعـناق يدها

شيهانهِ ، لا بينت وجهها السمح
تذبح بـهـا شـقـر الـحـرار ، وهددها